Homilia Iha Igreja

Se kaju nudar le nain ida ema sarani liu-liu sarani katholiku nia sei sempre rona homilia ka kotbah husi amu lulik ka amu padre sira iha misa ninia klaran. Saranai hotu- hotu hananu no haksolok molok entrada ba momentu spesial ida ne'e. Iha pasu ne sarani hakmatek no hanoin atu reflekta fali lia fuan nai Aman Maromak no liu husi ninian profeita sira (Nabi) no to'o mai Tempu nai mak soi Jesus Kristu ninia tempu no hakompletu liu tan ho liu husi Sao Poulu nia surat ba sarani sira iha Biblia nia laran. Esperiensa barak ona nudar sarani ita hasoru iha homilia ninia laran, ita nia nai lulik sira dala barak hare hanesan laiha perparasaun antes hato'o homilia ida ne. Ho ida ne hakarak hatete deit katak dala barak ona kadaves amu lulik sira koalia barak maibe la kona sasaran, nudar sarani ami sinti hanesan ai maran karik, persija atu rega maibe, Kestaun mak dala ruma homilia sira ne'e bele dehan la kona ba ninia objectivu lolos, hanesan fali konta estoria tempu pasadu duke lori sarani sira reflekta sira ninia vida moris loron-loron nian.

Mundu moderno hanesan agora sarani ida tuir misa laos atu rona deit ema atu le biblia maibe sarani persija rona liu fuan murak no pas iha ema nia let laran. Se kaju atu rona deit karik ne, ema seluk bele halo iha ema ida-ida ninia uma rasik, maibe sarani persija naroman liu husi Biblia mak dalan no lia fuan amu sira nian mak naroman. Dalan ho naroman rua-rua ne importante hotu iha dalan diak liu uja naroman hodi leno ne para sarani lao keta sidi ka monu ba rai let ruma.

Ita nudar sarani persija husu ba nai amu lulik sira, por-vabor halo misa karik persija iha mos perparasaun, ne para sarani fila karik husi misa nia sinti liu fuan ne'e monu duni iha ninia fuan laran. Kestaun nebe foti iha hakerek ne'e laos buat foun ida, Maibe buat hirak ne hanesan lian subar ida iha ema sarani lubun oan ida nia neon maibe sarani laiha kbiit atu hato'o o kalia directa ho amu lulik sira.

Saida mak hakarak hamosu iha hakerek ida ne mak atu, fo hanoin ba malu katak sarani barak sinti buat balu persija atu hadia iha vida klamar nian. le Biblia Ema sarani lubuk oan ida bele halo iha ida ida ni vida mais ne hanesan deit dalan, Persija mos Naroman atu leno dalan hirak ne hodi hune moris iha duni esperitu domin no valor ba malu iha lei Nai Maromak nian. Naroman ne nudar sarani siples ida bele hetan husi nai Lulik sira nudar maromak ninian liman, no bele liu husi ema nebe hatene klean kona kestaun hanesan temi dadaun ne.

Ikus iha hakerek ne mak katak lia nebe hakerek iha ne ho intensaun atu motivu liu tan Nai servidor sarani nian no sarani ne rasik, Hodi nune ita sempre moris iha domin no naroman Nai Mak Soi Maromak nian.