Hametin Fiar iha Katholiku

Moris nudar kristaun persija buka hatene tuir saida mak Kristu Jesus hanorin ba iha ninia estudante sira, i tansa mak ita persija halo tuir mandamentu ida ne'e. Ohin loron iha rai doben ida ne mosu no moris canal kristaun oin-oin deit nebe buka atu haksesuk malu liu husi lia nebe ida-idak hatette no fiar liu lia sira nebe sira lori ne mak los liu.

Religiun katholiku nudar fiar no saran an ba Nai Jesus nudar Aman Maromak Fila An ba Mane ( fila an nudar ema ) iha ninia dutrina komesa husi tempu hahu antes Jesus moris to'o Nia mai iha mundu ida ne'e ho objectivu ida katak Jesus mak Nai MAk soi nebe so liu husi Nia mak Odamatan lalehan no perdua bele loke ba ema hotu nebe fiar iha ninia moris.

Hanesan hau temi ona iha leten agora mosu ona canal ka sekte nebe lori mos naran Jesus atu buka ema sarani foun tuir sira nia fiar. Kestaun frakeja mak ita ka liu-liu hau hakerek nain hare mak Ita Sarani Timor La dun iha kunyesementu klean konaba Dutrina igreja katholiku ne'e rasik. Servisu ida ne'e laos amu lulik ka Madre sira deit maka tegki toma atensaun makaas no sai preokupasaun sarani Khatoliku hotu-hotu nian, relata ba ida ne'e mak sarani barak mak seidauk iha kunyesementu klean konaba dutrina sira ne hotu, tamba ida ne hare katak; Igreja katholiku Timor persija duni atu hadia no habelar tan dutrina katholiku iha sarani ninia vida moris.

Pontu balun nebe mak persija haklean liu mak
=>. Trilogi Maromak iha Katholiku ninia fiar.
=>. Saida mak Purgatoriu ne'e basea ba saida?
=>. Nusa mak amu no madre sira labele kaben hanesan sarani seluk-seluk?
=>. Tansa mak Khatoliku tengki fiar iha Nain Feto Virgen Maria? base Legal?
Pontu hirak ne'e persija tebtebes atu habelar ba sarani atu hatene lolos no ema seluk labele bosok sira wainhira tama ho intensaun atu sobu sira nia fiar iha katholiku.

Ita hein katak buat hatu nebe lori Nai Maromak ninia naran laos atu estraga malu maibe ho ida ne bele halo ema hotu buka hatene no haklean fiar speritu nian.