Lisaun Moris

Maluk sira ita nungka hatene antes katak ita loron ida sei moris iha mundu ne’e, ne los ka lae? maibe ita hatene momos katak iha loron ida ita sei fila fali sai ahuk desan. Tuir hau nian hanoin ne maka naran misteriu moris nian katak moris ne ita lahatene antes katak ita atu moris iha mundu ne’e, nomos ita lahatene bainhira maka ita atu fila ka mate hela mundu ida ne’e, ita ema so hatene momos katak ita sei la dura iha moris ne laran.

Paragraph dahuluk hau foti iha hanoin ida ne’e tamba esperiensia moris ita ema dala barak haluha katak moris ne loas fin rohan laek, miabe moris ne’e hanesan viajen spritual ida nebe sai hanesan test hahalok ema nudar Ilas Nai Maromak Nian.
Iha ita nian moris kadaves ema halo att ba malu, la fo liman atu dame ba malu, ema balun foti an, ema balun lakoi preokupa ho ema seluk nia terus buat sira ne’e hotu ema nebe moris iha globe ne’e sempre hasoru miabe atetudi atu resolve problema ema idak- idak maka la hanesan. Nudar Sarani Kristaun Katholiku ita tengki saran an ba Nai Jesus nudar ita nia espelu ka mapa atu lori lao. Nai Jesus Nian Ukun fuan boot Liu maka Hadomi Malu Hanesan ita hadomi ita an rasik. Maibe Nudar Maromak oan ita labele haluha katak ukun fuan boot liu maka hadomi Nai Maromak Liu sasan hotu hotu iha mundu rai laran.
Lia fuan principal husi Aman Maromak no Jesus Kristu maka Lia fuan Domin.Hatudu katak moris tengki kuda no haburas domin, So ho domin maka ita sei manan buat sasan hotu, so ho domin maka ita ema moris iha hakmatek laran, nomos so ho domin maka ita fuan laran hakmatek iha Nai Nian Kadunan.

Hau iha esperiensia ida nebe hau hakarak fahe ba ema seluk; istoria ne akontese wainhira permeiru hau tama servisu ho ema nebe hau nungka kunyese. biban neba hau lahatene saida maka hau atu hala’o iha servisu fatin obstabklu boot tan maka iha servisu laran administrasaun uja lian englesh para halo servisu, ho aten kiik no fuan nakdoko hau hasoru polimik ida ne, tempu neba maluk servisu hamutuk ho hau laiha vontade atu ajuda hau ho laran, exemplu deit atu solur kopu foer hau sira lahatudu fatin nebe lolos atu fase ka solur kopu foer, amigu ne’e hatudu fatin seluk ba hau hodi nune hau bele fase hau nian kopu. Lori tempu naruk ituan maka hau hetan fatin solur kopu foer. Iha bibab hau hatene katak hau nia Amigu servisu la honestu hatudu fatin los mai hau nudar ema hau laran moras maibe hau nungka rai odio ba sira. Alende buat kiik hanesan leten sa tan servisu nebe boot liu hau nian amigo servisu nungka hanorin ka hatudu buat los mai hau, Amigo sira subar matenek barak mai hau no sira fahe formula nebe la los nebe uja hodi kalkula iha servisu fatin. Buat Sira ne hotu akontese maibe hau sempre haforti hau nia aten atu labele tauk no tengkiser buka tuir mesak ho dalan estuda mesak. No fin Maromak boot hatudu mai hau katak ita ema ho domin sei Manan buat hotu tuir dalan los, depois tinan rua laran servisu no halo evaluasaun ami nian kantor akontese mudansa barak inklui mos hau. Hau nebe uluk ema labale depois de evaluasaun hetan pontu boot liu amigu sira seluk no hetan aumenta responsabilidade atu hala’o knar servisu. Polimik la hotu depois de evaluasaun amigu balun la satisfas ho rejultadu no koko husu rajaun oioin maibe desijaun nebe foti labele muda ho ida ate agora iha servisu fatin hau sai hanesan ema kiik ida nebe ema balun la satisfas nafatin ho hau nian posisaun, Maibe ba hau ne’e hanesan grasa ida nebe Nai fo mai hau atu hatudu ba maluk seluk katak moris iha mundu tengki hare malu no fo domin ba malu so ho ida ne’e buat nebe ita la espera Nai Maromak rasik maka sei tau rasik mai ita nia moris.

Maske ita ema laiha ida maka perfeitu iha ninian vida maibe ita tengki iha dever halo diak ba malu. Tamba sa hau dehan nune tamba moris ne’e misteriu ida ita la hatene saida maka sei akontese aban no ita labele fila fali hadia sala nebe ita halo tiha antes neba ita ema moris so bele hala’o moris nebe ita hasoru agora dadauk iha ita nian oin ho rajaun simples ne maka ita persija prense moris ohin no ba oin ho deit halo diak ba ema seluk no fahe domin ba ema seluk hanesan ita hadomi Nai Maromak no Nai Jesus.

Ikus liu hau espera katak maluk sira nebe le hau nia hakerek ne'e bele hetan motifasun no halo diak ba ema seluk no kria dame iha nebe nebe deit iha ita moris.
Adeus ba Tempu ohin' kundu iha buat balun hau hetan maka hau fahe ba maluk sira. obrigado. Nai Hakraik Bensaun mai ema nebe Fiar iha Nia. AMIN

ORASAUN

NAI MAROMAK AMAN LARAN LUAK
HAU HADOMI ITA BOOT LIU SASAN HOTU HOTU
HAU AGRADESE BA ITA BOOT NAI TAMBA, ITABOOT MAK FATIN DOMIN NO HAKMATEK NIAN ……………….
HAU SARAN ANN TOMAK BA ITA BOOT NAI MAROMAK ESPERITU SANTU
FIAR METIN IHA ITA BOOT KATAK, NAI LARAN LUAK SEI FOTI HAU SAI HUSI TENTASAUN TOMAK..............

AMAN NEBE HADOMI AMI, LIU HUSI NAI JESUS KRISTU HAU ATAN HUSU BA ITA NAI PERDUA AMI SALA NO FO KBIIT MAI HAU ATU HASES AN HUSI SALA NEBE ATU HADOK HAU ATAN HUSI NAI.................
HAU FIAR NAI MAROMAK TAMBA NAI MAKA HAU NIA FATIN NO SALVASAUN ....................
HAU ATAN HUSU NE LIU HUSI NAI JESUS KRISTU NIA GRASA HAMUTUK HO ESPERITU SANTU AMIN................