Havalor Sofrementu

Wainhira Ai-hun boot ida monu mak sei fo impaktu ba ai nee rasik no ba ai horis seluk nebe moris  depende ba ninian mahon nebe asegura iha tempu naruk. Hanesan moris, ema hotu antes hatene buka moris rasik dahuluk sempre hetan tulun husi ema seluk liuliu inan aman sira nebe fo suporta moral no finansiamentu ba individu ida atu bele forti no suksesu iha ninian vida tomak.

Exemplu Ai boot fo Mahon

 

Maibe, oinsa se karik loron ida inan aman Maromak bolu ona. Signifika mahon nebe uluk asegura vida sira nebe dependente ba nia la iha ona sira let. Bele mosu situasaun hanesan nee. Sintidu lakon boot, lakon domin husi nia nebe Nai bolu ona, lakon ona mahon nebe uluk asegura indivisu wain no hamosu emvairomentu foun nebe persija tempu atu adapta.

 

Nudar humanu sintidu nebe sik iha leten mosu duni ba ema nebe foin lakon nia inan ka aman no impaktu direita ba familia tomak nebe sei dependente ekonomia sosial boot ba matebian. Atu hamrik mesak lao ba oin persija aten barani hodi simu realidade hodi nune obstabklu nebe mosu bele hasoru ho laran malirin .
 

Esperiensia hatudu, ba maluk nebe bele ona hamrik mesak in termu fiskal nian maibe, sentidu lakon domin husi inan aman sempre sai preokupasaun ba nia. Ba individu nebe seidauk bele hamrik mesak in termu fiskal sei hasoru problema vida loronloron nian nebe sei la hanesan. Ba ida nee persija maturidade no muda ona hanoin atu nune bele hamrik no buka solusaun atu hatutan moris loron-loron  nian.
 

Laiha ema ida maka nega katak osan nee importante, maibe laiha duvidas mos katak osan nungka bele resolve buat hotu. Ema dehan nune:

Osan bele sosa sasan maibe la bele sosa klamar

Osan bele sosa kareta/ motor maibe la bele sosa siguransa

Osan bele sosa sex maibe la bele sosa domin
Osan bele sosa sasan luxu maibe labele sosa haksolok no hakmatek

Ho simples dehan osan nungka mais bele lori troka ho vida no ksolok wain nebe dura.

Exemplu ema sintidu triste ba malu

 

Klaru tebes atu dehan sentimentu lakon A- mohon la bele tradus ba lakon ona buat hotu, maibe diakliu fo spiritu ba familia atu hamrik mesak no buka mesak ho meus oioin hodi hatutan moris nee.

 

Ema hotu sempre mate, oinsa atu bele prepara ann antes too dalan ida nee mak tengki tau liu iha konsiensia laran. Ema hotu sei moris sempre hasoru problema maibe, oinsa atu hasoru no resolve problema tengki ho kalma no simu realidade, ema hotu terus maibe oinsa atu simu no halao terus nee nudar grasa no laos kastigu ida sai hanesan obstabklu ba ita hotu, ema hotu sempre fiar Maromak maibe oinsa hakbesik ann ba Maromak no tau ita nia fiar nebe ass liu ba Nai sai nudar responsabilidade ema idak-idak nian.

Fiar ba Nai Maromak nebe hatene ita nian problema, Keta duvidas no reja ho fiar tebes mak buat hotu sei lao tuir Nai Nian plano, ita forte sai osan mean ita  fraku sai ahuk desan no sai metan. Fiar nafatin Ba Nai Maromak ba maske iha tempu susar laran, ema nebe Nai bolu ona Tan Nia hatene planu nebe diak liu ema idak idak nian klamar.

Moris foun nebe mosu -depois matebian nebe sai ai hun ba famlia tengki simu hamesan realidade ijame grasa Nai nian nebe sei lori ita ba dalan diak ba sira nebe fiar nafatin no tahan ate ejame terus nee liu. Ba sira nebe la simu realidade sei susar atu hetan moris feliz iha ninian vida tomak..........

NAI JESUS MAI IHA MUNDU MORIS HO EMA ATU SINTI SOFREMENTU EMA NIAN, NO JESUS SAKRIFISU NIA ANN BA KRUSS TERUS TO’O MATE TAN DEIT DOMIN BA ITA NEBE LAKON ONA TAN SALA. 
MORIS HIAS NAI JESUS NIAN HATUDU BA ITA KATAK PLANU MAROMAK NIAN PERFEITU LIU EMA HOTU NIAN.