Frakeja Humanau Ita Ema

Laiha ema ida maka hatene antes katak nia atu moris iha mundu iha loron ida, maibe laiha ema ida maka bele hases ann husi vida ikus iha moris maka mate iha loron ida. Biblia fo naroman ba ema oinsa hala’o moris loron-loron nian no oinsa atu labele monu ba hahalok at no iha promesa barak wainhira humanu ida halo Tuir Nai Kriasaun nian hakarak hodi nune ema ida bele fila hamutuk moris eterna ho nai Mak Soi.

Laiha ema ida maka exelentu iha ninian vida moral nian, Ita sarani Katholik so fiar deit katak so Nai Jesus maka maka Aman Maromak Oan nebe moris nudar ema iha mundu mesak maka privadu ida nebe maka exelentu iha ninian vida to’o mate iha Krus hodi nune bele salva ema nia sala. Nudar ema Jesus maka ita nia espelu nebe ita atu halo tuir maske ita sala maibe tan Nai Hadomi ita nia sempre loke dalan ba ita atu hakribi ita salan wainhira ita monu no halo sala. Laiha domin ida ke boot Hanesan Nai Maromak hatudu mai ita ne’e maske sala ita sempre hetan perdua husi Nai. Ejemplu ne’e diak no sei nakonu ho domin no hakmatek wainhira ema ida-ida fo perdua ba malu hanesan Maromak Nian Dutrina.

Ita ema tengki refleta fali lalaok moris loron-loron nian tamba ita ema moris iha alternativa rua tuir Dalan Maromak nian ka tuir dalan diabu nebe sai inemigu Nai mak murak nian. Dala barak ita gosta liu hare ema seluk moris att duke ita, dala barak ita gosta liu hirus no odiu ema seluk duke fo liman ba malu hodi halakon nervosu ba malu, dala barak ita hases ann husi ema nebe husu ita nia ajuda duke ita rasik maka hakarak fo ajuda, i dala barak ita gosta estraga ema seluk ho jetu oi-oin duke fo suporta ou estuda oinsa ita bele hetan suksesu henesan ema seluk.

Atu hetan dame no hakmatek iha moris laiha dalan seluk se lae husi dalan hakbesik ita ann ba Nai mak Soi nebe Nian Domin boot tebes ba ita, keta haluha reja halo agredesementu no hasae gloria ba Maromak ho ida ne maka ita nia neon ho laran bele dame no hakmatek. Atu muda hanoin ema idak –idak nian loas fasil maibe so fiar ba Nai maromak liu husi Nai Jesus Kristu ita sei nakfila husi sala boot sai fali bebe nurak ida nebe mos no gosta atu Nai Maromak mai besik ita no kous ita signifika katak sai diak no entrega an tomak ba nai ho ida ne’e ita nia vida sei sai diak liu duke antes ita hakbesik an.

Mai ita hotu-hotu fila ba Nai Maromak no agradese ba Nai Maromak Liu Husi Jesus Kristu nebe saran An ba Mate tan ita. loke ita nian fuan laran ba nai Jesus atu Nia uja ita tuir maromak nia hakarak.
hau fo agradese ba Nai tan hodomi ona hau no hakarakan uja hanesan ho ema seluk. Amin.